Pritet që sot në orën 15:00, kryeministri i Kosovës, Albin Kurti të mbajë mbledhje me ministrat. Ende nuk ka një informacion se për çfarë do të diskutohet. Mediat në Kosovë njoftojnë se gjatë ditëve të fundit është përfolur se do të merren masa të reja anti-Covid, pasi janë rritur infektimet ditore.
Thuhet, ndonëse ende jo zyrtare, se do të merret vendim që nga data 6 prill deri më datë 12 prill të mbyllen lokalet e gastronomisë dhe qendrat tregtare.
Këtë vendim e kanë kundërshtuar përfaqësues të shoqatës së gastronomëve, teksa do të mbledhin Këshillin Drejtues sot në orën 14:00.
Në 24 orët e fundit, 680 persona kanë rezultuar pozitiv pas testit me COVID-19, ndërsa 9 persona kanë humbur betejën me koronavirusin.
