Babai i Dua Lipës dhe Rita Orës ka publikuar një fotografi të gjyshërve të artisteve të njohura, duke shijuar një pije në vitet 1960. Në foto shihet gjyshi i Ritës, Besim Sahatçiu, një regjisor filmi, TV dhe teatri dhe i Duas, Seit Lita, një historian dhe intelektual.
“Babai im, Seit Lipa dhe z. Besim Sahatçiu. Gjyshërit e @dualipa dhe @ritaora duke pirë një pije në qytetin e viteve 1960 të Pejës.”, ka shkruar Dukagjin Lipa. Kjo foto vjen në një kohë kur në skenë ka dalë sërish raporti jo miqësor mes Duas dhe bashkëatdhetares së saj.
Ishte Bebe e cila foli pak ditë më parë për faktin se dy shqiptaret më të suksesshme në botë nuk flasin me njëra-tjetrën. Rexha ka shprehur më parë dëshirën për një bashkëpunim mes artisteve shqiptare por në intervistë ajo tha se nuk shpreson më se mund të ndodhë.
“Unë kam provuar vërtet. Nuk e di se çfarë ndodh realisht atje ose cila është drama. Jam përpjekur të jem gjithnjë paqeruajtëse dhe t’i sjell vajzat së bashku. Për mua, me të vërtetë do të doja të bëja diçka së bashku, por nuk jam e sigurt që kjo do të ndodhë ndonjëherë. Dhe nuk do të them më shumë për këtë.”, u shpreh Bebe. /abcnews.al
