Ekzekutohet me armë zjarri në Elbasan Everest Çeka 41 vjeç, ngjarja ka ndodhur në lagjen ‘Skënderbej’. Ende nuk dihen dinamika e ngjarjes. Policia ka ngritur postoblloqe në hyrje-daljet e qytetit.
Në makinë me viktimën ndodhej edhe bashkëshortja e tij.
Menjëherë pas ngjarjes së rëndë në fshatin Kryemëdhenj, Golem është gjetur i djegur plotësisht një mjet tip ‘Benz’ pa targa, i cili dyshohet se i perket autorëve të ngjarjes.
Njoftimi i policisë:
Elbasan /Informacion paraprak
Rreth orës 20:10, në lagjen “Skënderbe”, Elbasan, në rrethana ende të paqarta është vrarë me armë zjarri në mjet shtetasi E.Ç, rreth 41 vjeç si dhe është plagosur në dorë bashkëshortja e tij shtetasja S.Ç., jashtë rrezikut për jetën.
Shërbimet e Policisë kanë shkuar menjëherë në vendngjarje dhe kanë
rrethuar zonën.
Janë ngritur pika konrolli në hyrje – daljet në qytetin e Elbasanit dhe vijon kontrolli i zonës.
Grupi hetimor nën drejtimin e Prokurorisë ndodhet në vendngjarje dhe vijon puna për zbardhjen e plotë të shkakut dhe rrethanave të ngjarjes si dhe identifikimin e kapjen e autorit/ve.