Media-t fqinje kanë publikuar foto nga vendngjarja,ku u ekzekutua biznesmeni shqiptar në Maqedoninë e Veriut, Kamer Idrizi, ndërsa theksojnë se në momentin ku ndaj tij u hap zjarr, 42-vjeçari ishte në makinë së bashku me nipin, i cili u plagos rëndë nga breshëria e plumbave.
Ngjarja ndodhi në lagjen Butel 2. Viktima në momentin e krimit gjendej brenda makinës së tij tip “Golf 7” pranë një parkimi restoranti.
Dyshohet se autorët e ngjarjes kanë pritur viktimën të arrinte në parkim dhe më pas i janë afruar dhe kanë qëlluar me breshëri me armë tip kallashnikov. Në vendin e ngjarjes mësohet që janë gjetur 90 gëzhoja, disa nga të cilat i morën jetën biznesmenit shqiptar.