ITALI/ Zikaltrit ishin të hapur, në lidhje me vështirësitë financiare dhe nevojën për ulje që duheshin bërë në të gjithë bordin, veçanërisht kur bëhet fjalë për koston e punës në kushtet e pandemisë Covid-19. Folën me futbollistët dhe nuk ranë dakord.
Sipas “Tuttosport”, në takimin e së premtes, ka ‘lindur’ një kërkesë unike nga të gjitha klubet e Seria A, për të marrë veprime të përbashkëta drejt uljes së kostos së pagave, e cila do të realizohet në dy etapa.
E para, është që t’u kërkohet nga FIGC të shtyjë afatet për katër muajt e fundit të këtij sezoni deri më 31 dhjetor 2021. Kjo do t’u mundësonte klubeve të vonojnë pagesën dhe të mos rrezikojnë falimentimin ose mos regjistrimin për sezonin e ri të Seria A.
Një hap tjetër është që t’i kërkohet Shoqatës së Lojtarëve (AIC) të fillojnë negociatat që të gjitha skuadrat të heqin dorë nga dy muaj e pagës së tyre. Duke iu drejtuar AIC si një grup klubesh, ata shpresojnë të marrin një rezultat më të mirë sesa duke negociuar individualisht me lojtarët.
