SPANJË-Java e 37-të e La Liga-s prodhoi sa rezultate interesante aq edhe të bukura. Kur ka mbetur edhe një javë nga përfundimi i sezonit ende nuk është përcaktuar skuadra kampione që do të diskutohet mes dy skuadrave të kryeqytetit si Atletico dhe Real Madrid.
ATLETICO MADRID-OSASUNA 2-1
Skuadra që kryeson renditjen është Atletico Madrid që ia doli të marrë një fitore me përmbysje me shifrat 2-1. Një pjesë e parë që u mbyll me shifrat 0-0,ndërsa në të dytën ishte Osasuna që kaloi fillimisht në avantazh në minutën e 75-të. Zhgënjim i madh te djemtë e Simeones që panë shpresat e titullit t’i largoheshin, por çdo gjë ndryshoi.
Fillimisht, Renan Lodi shënoi në minutën e 81’, duke barazuar 1-1 dhe pëmbysja e çmendur erdhi 3 minuta para fundit. I zakonshmi Luis Suarez shkundi rrjetën dhe çoi shifrat në 2-1. Festë e çmendur tek Atletico që tashmë është vetëm një fitore larg titullit kampion.
ATHLETIC BILBAO-REAL MADRID 0-1
Real Madrid mban gjallë shpresat për titull, pasi ka fituar me shifrat 0-1. Një gol i Nachos i në minutën e 68’ ka mjaftuar për fitoren 0-1. Javën e ardhshme Real Madrid do të presë Villareal, me shpresën të një hapi fals të rivalit.
BARCELONA-CELTA VIGO 1-2
Surpriza e madhe ka ardhur në “Camp Nou”, ku Barcelona i ka thënë lamtumirë titullit pas humbjes shokuese 1-2 ndaj Celta Vigos. Golat e takimit u shënuan fillimisht nga Messi në minutën e 28-të,ndërsa për miqtë do të shënonte dy herë Santi Mina në minutat 38’ dhe 89’.