Ariana Grande dhe Dalton Gomez janë martuar këtë fundjavë. Burime për People tregojnë se çifti ka patur një ceremoni të vogël dhe private. Lajmin e konfirmoi edhe përfaqësuesi i këngëtares:
“Ata u martuan. Ishte një ceremoni e vogël me më pak se 20 persona. Ndihej kudo lumturia dhe dashuria. Çifti dhe familjet e secilit s’mund të ishin më të lumtur se kaq.”
TMZ, raportoi përpara konfirmimit të lajmit se dyshja po zhvillonte ceremoninë në Montecito, California. 27-vjeçarja u fejua që në dhjetor me Dalton, një agjent pasurish të patundshme, 25 vjeç. Të dy e kanë mbajtur lidhjen shumë private, edhe pse nuk kanë hezituar t’i bëjnë publike ngjarje të tilla të mëdha.
