Mbrëmjen e sotme në vendin tonë ka mbërritur 12 870 doza të vaksinës Pfizer në Aeroportin e Rinasit. Lajmi është dhënë nga kryeministri Edi Rama i cili shkruan se në vendin tonë numri total i vaksinave është mbi 773 mijë që po përdoren për vijimin e vaksinimit masiv.
“Aeroporti “Nënë Tereza” – Sapo kanë mbërritur edhe 12,870 doza të vaksinës Pfizer, duke e çuar në mbi 773 MIJË sasinë e vaksinave të ardhura deri tani në Shqipëri”, shkruan Rama.
Vaksinimi masiv në vendin tonë vijon me ritme mjaft të shpejta, ku objektivi i ri i Qeverisë dhe Ministrisë së Shëndetësisë është kryerja e 1 milion vaksinimeve brenda qershorit. Një javë më parë, në vendin tonë mbërritën edhe 11700 doza të vaksinës Pfizer, dhe çdo do javë do të vijnë vaksina antiCOVID sipas kalendarit të lëvrimit të kontratave të siguruara. Jan katër lloje vaksinash që po përdoren në vend, Pfizer, AstraZeneca, Sinovac dhe Sputnik V.
Deri më tani janë mbi 200 mijë qytetarë kanë marre dozën e dytë të vaksinës, ndërsa numri total i vaksinimeve të kryera ka shkuar në mbi 650 mijë.
Vaksinimi masiv vijon me kalendar të kombinuar, për disa kategori ku këtu përfshihen personat mbi 60 vjeç dhe punonjës të shërbimeve kritike si punonjës të fasonerive, operatorëve turistikë, policë, gazetarët dhe operatorët e terrenit etj.
