GAZË-Grupi i të drejtave të njeriut Amnesty International ka dënuar planet e SHBA-së për të shitur armë me vlerë 735 milion dollarë Izraelit në mes të konfliktit të fundit me grupet e armatosura palestineze, duke thënë se miratimi minon angazhimin e SHBA për të mbështetur të drejtat e njeriut në të gjithë botën.
“Duke furnizuar me armë që mund të përdoren për të kryer krime lufte, qeveria amerikane po rrezikon të nxisë sulme të mëtejshme kundër civilëve dhe të shohë më shumë njerëz të vrarë ose të plagosur nga armët amerikane”,- tha Philippe Nassif, drejtori i avokimit i Amnesty International USA për Lindjen e Mesme dhe Afrikën e Veriut, në një deklaratë duke i kërkuar Biden të rishikojë vendimin.
Luftimet nisën pas një përplasje mes policisë izraelitëve dhe palestinezëve në vendin e shenjtë në Jeruzalemin lindor. “Haram al sharif” është Mali i Tempullit dhe frekuentohet edhe nga myslimanët palestinezë edhe nga izraelitët. Përplasjet vazhduan dhe autoritetet izraelite përgjatë muajit të Ramazanit kërkuan të dëbonin familjet palestineze që jetojnë në Jeruzalemin lindor. Gjatë përplasjeve, Hamas kërkoi që qeveria izraelite të largonte policinë dhe të mos dëbonte familjet por thirrjet nuk u dëgjuan. Në këtë moment, ushtria palestineze dërgoi raketa drejt Izraelit dhe kaq mjaftoi që lufta të niste. Konflikti mes dy vendeve është i vjetër dhe daton për më shumë se 7 dekada.