Ambasadorja amerikane e ftuar mbrëmë në emisionin ‘Opinion’ vlerësoi ecurinë e reformës në sistemin gjyqësor të mbështetur nga SHBA dhe BE. Ajo tha se SPAK ka përparuar shumë në një vit, ka marrë nën hetim 746 persona vitin e kaluar, 264 këtë vit, dhe ka konfiskuar pasuritë të paligjshme.
“Reforma në drejtësi nuk ka për të qenë e lehtë, e shpejtë, apo e përsosur. Po ndodh përparim i vërtetë dhe ai nuk do të jetë vijë e drejtë. Ecja përpara është ajo që po shihni. Pandëshkueshmëria duhet të marrë fund” – tha ambasadorja Kim.
Si duket ambasadorja ka dhënë ‘sinjale’ të forta të cilat kanë konkluduar edhe me shpalljen ‘non grata’ të ish-kryeministrit Sali Berisha nga Shtetet e Bashkuara të Amerikës.
Ajo theksoi se FBI amerikane po stërvit mbi 30 hetues shqiptarë si pjesë e Byrosë Kombëtare të Hetimit dhe po bëhen përgatitje për më shumë hetues.
