Vetëdorëzohet në drejtorinë e policisë së Vlorës Skerdian Gabrani, i cili është një nga të dyshuarit e vrasjes së Tauland Beqirajt ndodhur në datë 3 mars të këtij viti ne rrugën Transballkanike.
Gabrani ka qendruar i fshehur në qytetin e Vlorës dhe gjatë gjithë kohës ai ka qenë shumë i tronditur për ngjarjen, ku ka pasur momente që në sytë e tij ka pasur lot. Ai tregon çfarë ka ndodhur atë ditë, ndërkohë që avokati i tij i cili e shoqëroj në ambientet e policisë flet për klientin e tij.
Hans Andi Jonusi, një nga autorët e vrasjes, i cili u arrestua ditën kur ndodhi ekzekutimi i Tauland Beqirajt, është lënë tashmë në burg. Ai akuzohet si bashkëpunëtor në vrasjen e Tauland Beqirajt në Vlorë. Nga sa raportohet, ai ka pasur rolin e shoferit që ndihmoi 2 autorët e dyshuar, Skerdjan Gabrani e Elton Hajnaj të largoheshin.
Si ndodhi ngjarja? Nga sa është raportuar, shkak ka qenë një borxh i pakthyer nga viktima. Ditën e vrasjes, Tauland Beqiraj fillimisht ka debatuar me autorët në një lokal, pasi njëri prej tyre i ka kërkuar borxhin. Si përgjigje Beqiraj u ka thënë se lekët s’ka për t’ua dhënë, madje ka kaluar në sharje dhe kërcënime duke u treguar armën që kishte në brez. Pas kësaj, Beqiraj është larguar me një makinë me xhama te zinj dhe ka shkuar në rrugën transballaknike i shoqëruar nga dy persona. Pasi ka ecur rreth 10 metra në këmbë, Beqiraj i është afruar automjeti tip Ford me tre autorët brenda, ku nga pamjet e sekuestruara nga policia duken dy persona që zbresin nga Fordi dhe një prej tyre e qëllon me kallashnikov por ende nuk është identifikuar se kush prej tyre ka qëlluar. Pas breshërisë se kallashnikovit janë dëgjuar edhe të shtëna me pistoletë dhe grupi hetimor ka dyshime se shokët e Beqirajt janë kundërpërgjigjur me duke qëlluar 3 herë në drejtim të Fordit.
Tauland Beqiraj ishte liruar dy herë nga burgu, i arresuar për shkak të një sherri të armatosur në shkurt të 2018-ës.
