Kreu i PD-së, Lulzim Basha, ka anuluar takimin që kishte planifikuar sot, me strukturat e PD-së në qytetin e Korçës. Burimet nga dega e PD-së në Korçë informojnë se Lulzim Basha ka njoftuar strukturat atje se nuk do të shkonte edhe pse takimi ishte lënë për sot. Basha nuk ka dhënë asnjë arsyetim për anulimin e këtij takimi, por vendimi vjen pas lajmit se SHBA ka shpallur “non grata” ish presidentin dhe ish kryeministrin Sali Berisha. Ndërkohë që në lidhje me këtë vendin nga PD nuk ka ende asnjë reagim.
Ditën e sotme Sekretari amerikan i Shtetit Antony Blinken njoftoi se ish-Presidenti dhe ish-kryeministri Sali Berisha së bashku me familjen e tij, gruan dhe dy fëmijët, e kanë të ndaluar të udhëtojnë në SHBA duke i futur ato në ‘listën e zezë’. Blinken shkruan se akte të korruptuara të ish-Presidentit të Shqipërisë Sali Berisha kanë minuar demokracinë në Shqipëri. Në deklaratën e DASH thuhet se Berisha është përfshirë në akte korruptive si keqpërdorimi fondeve publike dhe ndërhyrje me proceset publike duke përdorur fuqinë për përfitime personale, dhe pasurimin e aleatëve politik përfshi familjen në kurriz të konfidencës publike të qeverisë shqiptare dhe institucioneve.
