Moti për ditën e sotme parashikohet me kthjellime dhe vranësira mesatare deri të dendura nga orët e mesditës deri ato të pasdites në pjesën më të madhe të vendit.
Do të ketë reshje shiu të herëpashershme me intensitet të ulët në pjesën më të madhe të territorit. Në veri e verilindje dhe lindje reshjet marrin përkohësisht karakter shtrëngatash me rrufe deri në mesditë.
Era do të fryjë me drejtim Jugperëndim –Verilindje me shpejtësi 1-10m/s. Valëzimi në dete parashikohet i forcës 2-3 ballë duke u shoqëruar me lartësi dallge 0.8-1.5 metër.
