SHBA- Kylie Jenner dëshiron të ndërtojë një trashëgimi të përjetshme për vajzën e saj.
Themeluesja e ‘Kylie Cosmetics’, për revistën ‘TMRW’ zbuloi se shpreson që vajza e saj tre vjeçare, Stormi Webster, të cilën ajo e ka me reperin Travis Scott, do të marrë në dorë drejtimin e perandorinë e saj të suksesshme të bukurisë në të ardhmen.
“Stormi është trashëgimia ime. Unë jam duke e rritur atë që të jetë e zgjuar dhe e sjellshme dhe e lirë. Ndoshta ajo do të marrë në dorë Kylie Cosmetics një ditë,” tha Jenner. “Gjithmonë nëse ajo dëshiron.”
Jenner shtoi se nëna e saj, Kris Jenner, vazhdon të jetë frymëzimi i saj më i madh, jo vetëm për mënyrën sesi ajo arrin të menaxhojë biznesin, por sidomos për rolin e saj si nënë.
“Duke parë se si nëna ime arrin të vendos në ekuilibër mes mëmësisë dhe biznesit, ajo është thjesht gruaja më e arrirë që njoh,” vazhdoi Jenner. Nëna ime bëri një punë vërtet të mirë për të na rritur, kështu që mendoj se me të vërtetë dua t’ia kaloj këtë gjë Stormit, për të qenë e fortë dhe e pavarur.”
Jenner u dha merita e nevojshme edhe motrave të saj po aq të famshme për frymëzimin e rrugëtimit të saj gjithashtu.
“Ka kaq shumë gra të forta në familjen time,” tha Jenner. “Të rriteshe duke parë motrat e mia më të mëdha dhe nënën time ishte thjesht e pabesueshme”.
Pandemia e vazhdueshme COVID-19 gjithashtu i dha 23-vjeçares mundësinë për të qenë në shtëpi më shumë me Stormi dhe mes sfidave që ofroi 2020, ajo tha se në fund të fundit është mirënjohëse për atë kohë shtesë me të bijën.
“Të bëhesha nënë ishte ndryshimi më i madh për mua,” tha Jenner. “Unë jam rritur aq shumë si një person dhe vazhdoj të rritem çdo ditë. Unë dua të mësoj çdo ditë dhe po përpiqem të jem versioni më i mirë që mund të jem. Ka qenë një vit kaq sfidues, por përfitimi më i madh ishte se unë kisha shumë më shumë kohë për të kaluar me familjen time “.
