SHBA-Këngëtarja me famë botërore Bebe Rexha gjatë një interviste për “The Daily Star” u shpreh se ishte gati të martohej kur ishte adoleshente.
Ajo tregoi se martesat në moshë të re janë pjesë e kulturës shqiptare, por mamaja e saj e inkurajoi atë të ndiqte ëndrrën për muzikë. 31-vjeçarja tha se djemtë rreshtoheshin për t’i kërkuar dorën dhe gjithashtu rrëfeu se nëna dhe gjyshja e saj janë martuar në moshën 17 dhe 15 vjeç.
Ajo nxori albumin e ri në tregun amerikan por nuk ka arritur të kryesojë top listat. Rexha u tregua mjaft e sinqertë kur u shpreh se ishte e mërzitur me klasifikimet në të cilën renditej albumi i fundit i saj. “Këngët në këtë album janë më personale”, ka deklaruar këngëtarja, “pasi flasin për problemet me shëndetin mendor”.
