TIRANË– Ilir Daka, 25 vjeç është zhdukur pa gjurmë që prej datës 17 maj. Ka qenë vëllai i Dakës, me emrin Seli, ai që ka bërë denoncimin në Faxneës, për zhdukjen e të vëllait. Në një prononcim për FaxNews, Seli Daka është shprehur se vëllai i tij është parë për herë të fundit në sheshin “Wilson”, në Tiranë, pasi ishte nisur të takonte të dashurën e tij.
Por, nga deklarata e denoncuesit, Daka nuk e ka takuar as të dashurën atë ditë. Seli Daka shton më tej se ka dyshime të forta që mund të jetë marrë peng pasi disa ditë më parë është konfliktuar me disa persona, për shkaqe që familjarët nuk i dinë ende.
“Tek sheshi Willson më 17 Maj, pasi është larguar nga puna, rreth orës 19:00 na tha që do të takonte të dashurën. E dashura nuk di asgjë, se ka takuar atë ditë, e ka pritur deri në 22:00, por nuk ka mbërritur. Para disa ditësh ka patur një konflikt me disa persona për të cilin ne nuk i dimë shkaqe dhe rrethanat, pasi nuk na ka treguar. Ka punuar më parë përkthyes në Gjermani. Dyshojmë se e kanë marrë peng,”- thotë për FaxNews vëllai i tij, Seli Daka.
Ilir Daka punonte në një Call-Center, dhe bashkëjetonte me me të dashurën e tij, por më 17 maj ajo e ka pritur për të shkuar bashkë në shtëpi e kjo gjë nuk ka ndodhur. Familja ka bërë denoncim në polic, ndërsa ende nuk ka një informacion zyrtar lidhur me këtë ngjarje.
