SPANJE/ Ylli argjentinas nuk është stërvitur sot me ekipin katalanas, me lejen e trajnerit Ronald Koeman. Gazetari i njohur sportiv Marcelo Bechler, raporton se kapiteni Lionel Messi nuk do të luajë në ndeshjen ndaj Eibarit të shtunën.
Arsyet nuk jepen, duke shtuar spekullimet. Argjentinasi Messi ka luajtur 35 nga 37 ndeshjet e La Ligës këtë edicion, duke shënuar 30 gola dhe duke dhuruar 11 asiste. Në gjashtë ndeshjet e luajtura në Champions League, ai ka pesë gola dhe dy asiste, kurse në “Copa del Rey” në pesë ndeshje, ka shënuar tre gola dhe ka bërë një asist.
Kompeticoni i vetëm, ku Messi nuk shënoi është Superkupa e Spanjës, ku u ndëshkua me karton të kuq. Në të gjitha garat e këtij sezoni ai ka bërë 47 ndeshje, duke shënuar 38 gola dhe duke bërë 14 asistime. Ndërkohë që Messi është ndëshkuar gjashtë herë me karton të verdhë, katër herë në La Liga dhe dy herë në “Copa del Rey”.