Fluks i madh mjetesh e qytetarësh nga Kosova drejt Shqipërisë është shënuar në orët e para të kësaj të shtune. Përmirësimi i kushteve të motit ndikoi në rritjen e fluksit. Sipas parashikimeve pritet që fluksi të jetë edhe më i madh gjatë këtij sezoni, kjo për shkak edhe të rënies së rasteve ditore me COVID dhe imunizimit nga vaksinimi në vendin tonë. Qytetarët kosovarë shprehen se pushimet e tyre në Shqipëri sivjet do të jenë më të relaksuar dhe pa stresin e virusit. Për shkak të fluksit, policisë kufitare në Morinë i është dashur të aplikojë procedurën e përshpejtuar dhe të punojë me kapacitet të plotë me 6 sportele për të shmangur radhët dhe pritjet e gjata.