Gjendet i vrarë një person në Elbasan. Burime jo zyrtare bënë me dije për “BalkanWeb” se një person është gjetur në rrugë i pajetë në lagjen “Visarion Xhuvani” të qytetit të Elbasanit rreth orës 5 të mëngjesit të sotëm. Sipas të dhënave të para, viktima ka një plagë pas koke.
Nuk dihet ende identiteti, por nga policia thuhet se viktima është mashkull rreth 70-80 vjeç.
Paraprakisht mendohet se është qëlluar nga pas koke me mjet të fortë dhe pasi është vrarë është hedhur në rrugë pasi nuk ka as këpucë.
Në vendin e ngjarjes nuk janë gjetur njolla gjaku çka dyshohet se është hedhur në rrugën ku u gjet. Nuk është gjetur as ndonjë thikë që mund të sillte dyshime se viktima i ka prerë vetë damarët.
Dyshohet që vrasja mund të jetë kryer në një vend tjetër dhe viktima të jetë hedhur në rrugën ku u gjet.
Informacion paraprak
Në lagjen “Vullnetari”, Elbasan, shërbimet e policisë kanë konstatuar në anë të rrugës pa shenja jete një shtetas të seksit mashkull rreth moshës 70-80 vjeç.
Grupi hetimor nën drejtimin e Prokurorisë së Rrethit vijon punën për zbardhjen e rrethanave të ngjarjes, identifikimin e personit të pajetë dhe shkakun e humbjes së jetës.
