ITALI – Fabio Paratrici më nuk është drejtor i përgjithshëm te Juventusi. Ekipi nga Serie A, të mërkurën e ka konfirmuar largimin e Paratricit nga ky post me marrëveshje të dyanshme. Paratrici po largohet nga Juventusi pas 11-të vjetësh pasi klubit nuk ia ka vazhduar kontratën që i skadon në fund të muajit të ardhshëm
“Ishin këto vite fantastike për mua që jam rritur profesionalisht. Juventusi më ka thënë rastin ta bëjë punën time dhe për këtë i jam mirënjohës. Me largimin nga Juventusi po e mbylli një kapitull të rëndësishëm të karrierës time duke u përgatitur për sfidat e reja që më presin”, ka thënë Paratrici.
Me largimin e Paratricit nga posti i drejtorit sportiv, mediat italiane kanë raportuar se Massimiliano Allegri pritet të emërohet trajner i Juventusit, duke zëvendësuar Andrea Pirlon, që edhe pse i kualifikoi bardhezinjtë në Champions League, nuk arriti t’i justifikojë pritshmëritë ndaj tij.
