TIRANË/ Ditën e sotme nis vaksinimi anti-COVID i punonjësve të transportit publik në të gjithë vendin. Mësohet se punonjësit do të marrin vaksinën ruse SputnikV. Në total janë 14 mijë punonjës të transportit publik të cilët do të vaksinohen. Pas tyre, në ditët ne vijim do të vaksinohen punonjësit e transportit ndërqytetas.
Transporti publik është ndër sektorët më të prekur prej pandemisë, për shkak të kohës së gjatë të pezullimit të aktivitetit, e kushtëzuar nga karantina dhe ora policore.
Që prej fillimit të fushatës së vaksinimit, në vendin tonë janë vaksinuar 736.365 persona. Deri më tani në Shqipëri kanë mbërritur në total më shumë se 847 mijë doza të vaksinës kundër COVID. Sipas qeverisë, vendi ynë kap 1 mln vaksinime brenda qershorit.
