TIRANË– Ditën e sotme në aeroportin “Nën Tereza” është ulur një avion i ardhur nga Bjellorusia. Shkak për uljen është bërë “vetoja” që vendet e Bashkimit Evropian i kanë vendosur presidentit Aleksandër Lukashenko pas arrestimit të gazetarit, kritik ndaj regjimit të tij.
Avioni ka mbërritur në pistën e Rinasit në orën 15:35 të pasdites së sotme. Për të mbërritur deri në Shqipëri pas bllokimit që i bëri fluturimeve BE, avioni ka kaluar nga Hungaria, që gjithashtu është pjesë e BE-së, por e ka lejuar që të kalojë. Avioni nga Bjellorusia pasi ka kryer uljen në Rinas, është ngritur sërish në fluturim për në vendin mëmë, duke funksionuar kështu si “tranzit”.
Bashkimi Europian vendosi të ndalojë fluturimet bjelloruse në qiejt europianë, pas arrestimit të gazetarit Roman Protasevich. Gjatë një takimi në Bruksel, krerët e 27 vendeve anëtare thanë gjithashtu se edhe linjat ajrore të BE nuk do të fluturonin në hapësirën bjelloruse, duke premtuar sanksione të mëtejshme ekonomike. 26-vjeçari Roman Protasevich gjendej në një fluturim nga Greqia drejt Lituanisë, i cili u devijua drejt Minskut, me pretendimin e një kërcënimi për bombë.
Në të vërtetë kishin informacione që në bord ishte gazetari i dënuar më vdekje për sulme ndaj regjimit. Udhëheqësit e BE-së u kërkuan gjithashtu të gjithë agjencive ajrore me bazë në BE të shmangin fluturimin mbi Bjellorusi, ndërkohë nga Minsku zyrtar nuk është pranuar asnjëherë se kishin dijeni për praninë e 26-vjeçarit në bord.