Shtatë djaj të Tasmanisë kanë lindur në territorin australian për herë të parë në më shumë se 3,000 vjet, ka bërë me dije grupi i ruajtjes së Aussie Ark.
Djajtë e Tasmanisë u zhdukën nga kontinenti pasi gjuheshin nga kafshët dingo dhe u mbyllën në shtetin ishull. Por edhe atje, numrat kanë rënë që nga vitet 1990 për shkak të kancerit të fytyrës.
Djajtë, me madhësinë e një qeni të vogël dhe të bërë të famshëm nga personazhi vizatimor “Looney Tunes” i njohur si “Taz”, u renditën në Listën e Kuqe të Kombeve të Bashkuara në vitin 2008. Ata janë një nga mishngrënësit më të mëdhenj të mbijetuar në botë.
Grupi i ruajtjes së djajve Aussie Ark, e cila bëri partneritet në program me “Global Wildlife Conservation” e “WildArk”, ngriti djaj të rinj në një vend të shenjtë për kafshë të egra në Barrington Tops, në veri të Sidneit dhe lëshoi 26 djaj të rritur të Tazmanisë në fund të vitit 2020.
Ata shprehen se djajtë e lindur ishin në gjendje të mirë shëndetësore dhe rojet do të vazhdojnë të monitorojnë rritjen e tyre gjatë javëve të ardhshme.
