SPANJE – Media spanjolle, “Diario AS”, raporton se presidenti Joan Laporta do të tentojë me të gjitha forcat të rikthejë trajnerin Pep Guardiola në krye të pankinës së Barcelonës. Por kjo dëshirë e presidentit katalan duket shumë larg realitetit sipas gazetarit Romano.
“Pep Guardiola nuk ka në plan të largohet nga Manchester City. Edhe nëse ai fiton Champions League të shtunën, Pep do të qëndrojë te Manchester City”,- ka shkruar gazetari italian Romano në llogarinë e tij në “Twitter”.
Më tej, ai ka shtuar, se trajneri Guardiola është duke menduar për merkaton e verës që do të bëhet te “Cytizen” për sezonin e ardhshëm, duke lënë të nënkuptohet, se rikthimi i Pep në krye të Barcelonës është vetëm një “ëndërr” e presidentit Laporta.
