ANGLI-Tiago Pinto, drejtori sportiv i Romës po lëviz për të forcuar skuadrën. Një nga emrat që po përflitet së fundmi është ai i Granit Xhakës, mesfushori 28-vjeçar që aktivizohet me Arsenalin. Kapiteni i përfaqësueses së Zvicrës është një nga kërkesat e Jose Mourinhos.
Klubi londinez po kërkon 25 milion, ndërsa Roma po përpiqet të ulë çmimin. Siç është publikuar nga gazeta zvicerane “Blick”, marrëveshja mund të gjendet me një propozim prej 18 milionësh që tashmë skuadra verdhekuqe ia ka ofruar në tavolinë dhe vetëm po pret përgjigjen nga klubi anglez.
