Një atentat me armë zjarri ka tronditur sërish Shkodrën mbrëmjen e kaluar. Të shtënat e kallashnikovit i kanë marrë jetën një të riu 25-vjeçar në fshatin Bardhaj të Shkodrës. Viktima është Emiljan Ndou dhe ishte komshi me autorin Mark Kodra 47vjeç. Menjëherë pas ngjarjes është arrestuar autori dhe është sekuestruar nga policia arma e krimit.
Njoftimi i policisë:
Vrau me armë zjarri për motive të dobta 25 vjeçarin, Policia vë në pranga autorin.
Sekuestrohet arma e zjarrit kallashnikov me të cilën dyshohet se autori kreu krimin.
Në fshatin Bardhaj, në afërsi të një kalçetoje, dyshohet se një konflikti për motive të dobta shtetasi M.K, 47 vjec, banues ne fshatin Bleran Bardhaj, ka vrarë me armë zjarri shtetasin E.N, 25 vjeç, banues ne Bleran Bardhaj.
Falë reagimit në kohë dhe veprimeve të shpejta e profesionale të kryera nga Policia, u bë e mundur identifikimi dhe kapja brenda pak minutash e autorit të dyshuar të vrasjes.
Grupi hetimor nën drejtimin e Prokurorisë po punon pēr sqarimin e rrethanave dhe dokumentimin e plotë të kësaj ngjarjeje.
