1 viktimë dhe 12 raste të reja me COVID-19 janë regjistruar 24 orët e fundit në vendin tonë. Ministria e Shëndetësisë bën me dije se ka humbur jetën një 61-vjeçar nga Prrenjasi.
Ndërkohë, pas 2.170 testimeve të kryera janë konfirmuar 12 raste të reja infeksioni. Përkatësisht këto raste janë regjistruar në këto bashki: 5 raste në Tiranë, 3 raste në Berat, 1 rast në Shkodër, Vau Dejës, Elbasan, Sarandë.
Aktualisht në spitalet COVID po trajtohen 41 pacientë, nga të cilët 7 pacientë janë në terapi intensive.
Në 24 orët e fundit janë shëruar 93 qytetarë, duke e çuar numrin e të shëruarve në 129.308 që nga fillimi i epidemisë.
Gjithsej që nga fillimi i pandemisë në vend, numri i personave të infektuar ka shkuar në 132.309, ku 551 vijojnë të jenë aktive. Ndërkaq, numri i viktimave në vend ka shkuar në 2.450.
Ndonëse situata me pandeminë është stabilizuar, sërish Ministria e Shëndetësisë i bën apel qytetarëve që të vijojnë të zbatojnë me përpikmëri rregullat anti-COVID, duke vënë theksin te vendosja e maskës në ambientet e mbyllura dhe kujdesi për higjienën vetjake.
Statistika
Raste të reja ditore 12
Të shëruar në 24 orë 93
Të shtruar në spitale 42
Humbje jete në 24 orë 1
Testime ditore 2,170
Testime totale 717,696
Raste pozitive 132,309
Raste të shëruara 129,308
Raste Aktive 551
Humbje jete 2,450
Shpërndarja gjeografike e rasteve aktive sipas qarqeve:
Tiranë 237
Korçë 75
Shkodër 67
Vlorë 31
Elbasan 29
Berat 37
Lezhë 25
Gjirokastër 16
Fier 7
Kukës 9
Durrës 14
Dibër 4
