BALLSH/ Ka ndërruar jetë 57-vjeçari Viktor Ballaj i cili u plagos rëndë nga shpërthimi i pusit të naftës më datë 3 mars 2021, punëtor i kompanisë private të naftës ‘Anio Oil’, në Ballsh.
Pas shpërthimit të një pompe centrifugale në sektorin e dekantimit të kompanisë së naftës, mori flakë një tubacion dhe Ballaj u rrethua nga zjarri. Viktima mori plagë të rënda në trup. Në lidhje me këtë ngjarje u prangos shefi i sigurimit teknik pranë sektorit të dekantimit të kompanisë, Erion Alushaj i cili akuzohej për veprën penale ‘Shkelja e rregullave te mbrojtjes në punë’ pasi nuk kishte marrë masa për sigurinë teknike por vetëm tri ditë më vonë, ai u la i lirë.