TURQI-Erald Çinari është futbollisti i parë që do të largohet nga Partizani. Sulmuesi shkodran do të vazhdojë karrierën e tij në Ligën e Parë turke me skuadrën e Samsunspor.
Së fundmi ka qenë vetë presidenti i klubit turk, Yuksel Yildirim, që nëpërmjet një interviste të dhënë për mediat, ka konfirmuar se është arritur marrëveshja për afrimin e sulmuesit.Gjithashtu ai ka konfirmuar se ka pasur një takim me lojtarin dhe javën e ardhshme pritet të vijë zyrtarizimi i kësaj lëvizje.
Ende nuk dihet se sa do të përfitojë Partizani nga ky transferim, ndërsa këtë sezon Çinari ka mundur të japë kontribut për fanellën e kuqe në vetëm 22 ndeshje të Superiores, duke shënuar 8 gola
