Një çift pushuesish me të bijën kishin rezervuar tre ditë pushime në bregdetin e Livadhit, mirëpo të pakënaqur nga kushtet, kishin kërkuar të largoheshin pas dy ditësh qëndrimi, duke bërë pagesën për kohën që kanë qëndruar.
Por pronarja nuk i ka lejuar dhe i ka kërkuar pagesën deri në ditën e diel kur ata kishin rezervuar. Ajo nis t’i akuzojë se i kanë bërë dëm duke i djegur çarçafët, ndërsa ka dalë në rrugën kryesore në Himarë duke i penguar të largohen.
Pushuesit kanë kërkuar të denoncojnë në polici e cila vonoi të vinte për disa minuta, ndërsa konflikti vijonte.
Më pas, gruaja thërret për ndihmë edhe një person tjetër, ndërsa çifti ndalohet dy herë nga pronarja e hotelit për të shkuar në polici.
Si përfundim pushuesit kanë denoncuar në policinë e Sarandës, ndërsa në video dëgjohet e qara e vajzës së mitur, e frikësuar për atë që po ndodh.
