Të paktën 6 persona u vranë në konfliktin midis bandave të drogës në pjesën qendrore të Meksikës. Sipas lajmit në shtypin meksikan, në qytetin Morelia në shtetin Michoacan, grupet rivale të krimit të organizuar u përleshën me armë në dalje të një lokali.
Në përleshjen që shpërtheu, 6 anëtarë të bandës humbën jetën dhe 2 të tjerë u plagosën. Me mbërritjen e një numri të madh të ekipeve të policisë në vendngjarje, anëtarët e bandës u larguan.
Zyra e Prokurorit të Përgjithshëm Michoacan njoftoi se ka nisur një hetim në shkallë të gjerë për incidentin. E konsideruar si organizata kriminale më e fuqishme dhe më e dhunshme e Meksikës, Karteli i Gjeneratës së Ardhshme Jalisco (CJNG) lufton kartelin Sinaloa dhe grupet e tjera për kontrollin e rajonit dhe rrethinës së tij.