Kanye West ka bërë një deklaratë të fortë duke thënë se ish gruaja e tij, Kim Kardashian e ka tradhtuar me lojtarin e NBA-së, Chris Paul. Më konkretisht, ai ka postuar një foto të Chris Paul duke shkruar: “Le të thyejmë edhe një dritare përpara se të largohemi nga këtu. E kapa këtë djalë me Kimin.”
Paul, i cili është i martuar me gruan Jada që nga viti 2011, nuk i është përgjigjur ende akuzave. Kim dhe Kanye finalizuan divorcin së fundmi dhe arritën një marrëveshje për fëmijët. Në letrat e divorcit thuhet se ish-çifti do të kenë kujdestarinë fizike dhe ligjore të përbashkët të katër fëmijëve të tyre.
