Veprim skandaloz mund të konsiderohet vjedhja e një biçiklete nga një i ri në mes të Tiranës.
Ngjarja ka ndodhur në rrugën Reshit Çollaku, në zonën e “Myslym Shyrit”, pranë dy institucioneve të rëndësishme siç janë ILDKPI dhe Drejtoria e Përgjithshme e Postës Shqiptare.
I ri, ka vjedhur një biçikletë në mes të ditës në orën 14:33, i cili pasi ka parë të parkuar biçikletën anës rrugës, e ka marrë me dhunë. Gazetari.al disponon kamerat e një biznesi aty pranë, të cilat kanë filmuar ngjarjen e shëmtuar dhe mësohet se është bërë kallëzim në Polici.
Forcat e rendit kanë kërkuar ndihmën e qytetarëve përmes mediave për të bërë të mundur identifikimin e autorit.
