Sllovakia ka pezulluar përdorimin e vaksinës AstraZeneca kundër koronavirusit pasi një person i vaksinuar me këtë vaksinë vdiq nga mpiksja e gjakut. Ministria e Shëndetësisë tha se vetëm njerëzit e vaksinuar me dozën e parë, do të marrin dozën e dytë të AstraZeneca-s.
Dozat e para të kësaj vaksine u pezulluan, tha Ministria e Shëndetësisë. Ministri Vladimir Lengvarsky paralajmëroi javën e kaluar se Sllovakia do ta rishikojë strategjinë e vaksinimit, pas mpiksjes fatale të gjakut te një person që u vaksinua me AstraZeneca.
Sllovakia vendi me 5.4 milionë banorë ka regjistruar mbi 386.000 raste me koronavirus dhe 12.077 viktima.
