Piktura ‘Gruaja e ulur pranë dritares’ e artistit të madh Pablo Picasso u shit në ankand për 103.4 milionë dollarë. Piktura është realizuar në vitin 1932 dhe u shit pas 19 minutash për 90 milionë dollarë, vlerë që u rrit në 103.4 milionë duke iu shtuar taksat, sipas zyrtarëve të ankandit.
Shitja e kësaj pikture është një tregues i gjallërisë së tregut të arti, pavarësisht “goditjes” që mori nga pandemisë e COVID-19.
Piktura i dedikohet të dashurës dhe muzës së Pikasos, Marie – Therese Walter dhe për herë të parë u shit në London tetë vite me parë në një vlerë prej 44.8 milionë dollar, më pak se gjysma e çmimit që u shit ditën e djeshme.
Piktori Pablo Picasso është një ndër artistët më të rëndësishëm të shekullit 20. Ai së bashku me Georges Braque janë krijuesit e kubizmit, një lëvizje e cila ndryshoi përgjithmonë pikturën dhe skulpturën evropiane, si dhe arkitekturën, muzikën dhe letërsinë botërore.
