Ditën e sotme KQZ është përgjigjur lidhur me ankimimin e partive politike si PD dhe LSI, lidhur me kryqëzimin e të dhënave të shenjave të gishtave nga sistemi PEI, duke thënë se ka disa raste të dyshimta në Berat dhe Gjirokasstër, ku disa persona kanë vendosur shenjat e gishtave për shumë të tjerë.
Kryqëzimi i të dhënave të shenjave të gishtave ka faktuar votimin e parregullt në qarkun e Beratit, ku 19 persona kanë votuar 53 herë, mes të cilëve 2 persona kanë votuar 2 herë. PD deklaron se kjo e dhënë është shumë e rëndësishme, sepse verifikon që persona të ndryshëm kanë mashtruar duke votuar në emrin e personave të tjerë.
Në Qarkun e Beratit diferenca për mandatin e pestë të PS dhe mandatit të LSI është vetëm 77 vota. Ky dokument i mëposhtëm u pranua të merret nga KAS dhe nxjerr në pah parregullsitë proceduriale të procesit të votimit.
PD theksoi se nëse KAS do të kishte pranuar të kerkonte edhe prova të tjera për blerjen e votës mes legalizimeve, punësimeve, përdorimit të shtetit për përfitim elektoral, masakra zgjedhore do të ishte shfaqur e plotë para shqiptarëve. PD akuzon KAS se po pengon transparencën e zgjedhjeve.
