LEZHË– Një ngjarje e rëndë ka ndodhur në Lezhë. Sipas policisë një vajzë e mitur, e moshës 15-vjeçare është abuzuar seksualisht nga 5 persona, të cilët në bashkëpunim me njëri-tjetrin e kanë shantazhuar duke e detyruar që të kryjë marëdhënie seksuale me dhunë. Në pranga Artan Kaçorri, Albert Molla, Ermal Tarazhi, Nike Lleshi dhe Adrian Gjikolaj 17 vjeç.
NJOFTIMI:
Specialistët për Hetimin e Krimit në Komisariatin e Policisë Mirditë kanë arrestuar në flagrancë, për veprën penale “Marrëdhënie seksuale ose homoseksuale me dhunë me të mitur të moshës 14-18 vjeç” kryer në bashkëpunim, shtetasit A. K., 31 vjeç, A. M., 27 vjeç, E. T., 30 vjeç, N. Ll., 44 vjeç dhe A. Gj., 17 vjeç, pasi dyshohen se me anë të shantazheve, në bashkëpunim me njëri-tjetrin, kanë kryer marrëdhënie seksuale me dhunë me një shtetase 15-vjeçare.