TIRANË/ Ambasadorja e Shteteve të Bashkuara të Amerikës, Yuri Kim ka qenë sot në një seancë stërvitore të “Defender Europe 21”, në Bizë. Në disa foto të publikuara nga ambasada Amerikane, shihet teksa Kim qëllon me mitraloz. Ambasadorja ka bërë qitje me armë automatike dhe me pistoletë. Ajo shihet e qeshur teksa teston aftësitë e saj ushtarake.
Çfarë po zhvillohet në Shqipëri?
Defender Europe 21 është një demonstrim force i SHBA dhe NATO, që ka mbledhur mbi 8 mijë ushtarë amerikanë në Shqipëri dhe në total 28 mijë forca ushtarake nga 26 kombe. Në terrenin shqiptar janë ngritur 30 zona trajnimi dhe po bëhen disa operacione testuese.
