Një oficer policie është vënë në pranga në Greqi pasi akuzohet se është kapur me një sasi të madhe eksplozivi që e mbante me vete.
Ai u arrestuar mbrëmjen e së enjtes në zonën e Messara. Një patrullë ndaloi makinën me të cilën oficeri 43-vjeçar udhëtonte, ndërsa pas kontrolleve në të u gjet një sasi prej 42.5 kg lëndë plasëse, xhelatodinamit.
Sasia e lëndës plasëse iu gjet në bagazhin e makinës, ndërsa oficeri i arrestuar ka mohuar çdo akuzë kundër tij te ngritur deri më tani. Sipas tij makina është në emrin e gruas dhe i ishte huazuar një të afërmi të tyre kohët e fundit, i cili po ashtu u vu në pranga.
Sipas qarqeve policore, xhelatodinamiti është një nga eksplozivët më të fuqishëm dhe ajo që autoritetet tani po hetojnë është se si ai mori në zotërim një sasi kaq të madhe dhe për çfarë qëllimi ishte menduar.
