DURRES – Pasi i ka dorëzuar kapitenit të Teutës, Renato Arapi, trofeun e titullit kampion, presidenti i FSHF-së, Armando Duka ka gjatur rast për ta uruar skuadrën durrsake edhe në faqen e tij në “facebook”.
“Urime Teuta!
Të dashur miq, dua ti përcjell urimet e mia më të mira KF Teutës për titullin Kampion të Shqipërisë, në fund të një sezoni emocionues dhe plot rivalitet.
Sot meritojnë të festojnë të gjithë: futbollistë, staf, drejtues, tifozë dursak kudo ndodhen.
Një urim i veçantë shkon për Presidentin Hasanbelliu, arkitektin dhe investitorin e kësaj skuadre.
Pas festës është koha për t’ju rikthyer punës, për të bërë një përfaqësim të mirë në garat Europiane”, – ka shkruar kreu i futbollit shqiptar Armand Duka.
