ANGLI- Dy pako me kokainë janë gjetur ditën e sotme në Angli. Telegraph shkruan se të dyja paketimet kishin rreth një mijë kilogram kokainë, me vlerë 80 milionë paund, të cilët kishin dalë bregdetin e Sussex në Angli.
Sipas mediave, autoritetet britanike kanë deklaruar se droga ishte mbështjellë në qese, e cila nuk fut ujë. Gjithashtu pakto me kokainë ishin mbështjellë me jelekë jete shpëtues, ndërkohë që mendohet se kokaina e ka prejardhjen nga Amerika Jugore.
“Kjo është sasi e konsiderueshme e drogës e llojit të parë, për të cilën mendojmë se ka prejardhje nga Amerika Jugore, por po shikojmë se si arriti droga deri këtu dhe se cili ka mundur të jetë destinacioni përfundimtar”, thuhet në njoftimin e policisë.