Pas sanksioneve të vendosura nga BE, Rusia ka dalë në krah të Bjellorusisë. Ditën e sotme ka ndaluar uljen e një avioni Austriak pasi ky i fundit nuk ka kaluar nga territori bjellorus.
Fluturimi nga Vjena ishte planifikuar të mbërrinte në Moskë në kohë, por bordi në aeroportin Domodedovo rendit fluturimin si të anuluar. Më parë, linja ajrore kishte refuzuar të kalonte nëpër hapësirën ajrore Bjelloruse në rrugën për në Moskë. Bashkimi Evropian ka nxitur linjat ajrore të saj të shmangin Bjellorusinë dhe hapësirën e saj ajrore pas uljes së detyruar të dielën në Minsk të një avioni Ryanair dhe arrestimit të një gazetari.
Kujtojmë se dje edhe Shqipëria ka lejuar uljen e avionit nga Bjellorusia. Pavarësisht sanksioneve të vendosura nga BE, vendi ynë ka pritur në Rinas avionin bjellorus. Avioni kaloi nga Hungaria që gjithashtu është shtet i BE por e ka lejuar të kalojë. Burime për Report TV nga Ministria e Infrastrukturës dhe Ministra e Jashtme pohuan dje se ulja është lejuar pasi nuk është bërë asnjë kërkesë nga NATO dhe BE për të ndaluar fluturimet me këtë shtet.
