Pas disa gotave me alkool ka shpërthyer një dhunë e ashpër në një pishinë të Ohio-s. Dhuna sipas mediave ka nisur pasi disa persona nuk respektuan radhën në lojërat e ujit. Në pamjet e postuar në rrjete sociale, shihen disa pushues duke u përleshur fizikisht me njëri-tjetrin, në një përleshje, ku nuk mungojnë përdorimi i grushteve dhe sendeve të forta.
Madje një grua e identifikuar si Brittany Cabay shihet duke sulmuar një burrë që po konfliktohej me një mashkull tjetër, por kjo i kushtoi shtrenjtë pasi ai e kapi dhe e përplasi me tërë forcën për tokë.
23-vjeçarja nga Michigani për pak sekonda humbi vetëdijen nga përplasja, kurse e tëra fytyra e saj ishte mbuluar me gjak. Mediat amerikane raportojnë se i dashuri i saj Zackary Colzin, kishte marrë më pas një karrige me të cilën iu vërsul burrit që i dëmtoi partneren.
Por edhe ai kishte fatin e njëjtë me të dashurës, pasi gjatë sulmit rrëshqiti dhe u rrëzua në tokë duke humbur edhe ai vetëdijen për pak sekonda. Situata është vënë në kontroll nga ana e policisë, e cila përdori elektroshok për të shuar përleshjen dhe vendosur në kontroll situatën.
