Prokuroria e Tiranës ka sekuestruar 500 mijë dollarë pasuri një 31-vjeçari, i cili aktualisht po vuan dënimin e tij në burg për kultivim të lëndëve narkotike. 31-vjeçari Vasil Duraku është arrestuar në Angli pasi kishte kultivuar plantacion me kanabisi, të cilën e prodhonte në sera dhe pastaj e tregtonte duke arritur fitime të mëdha.
Nën dyshimin se pasuria e vënë në Shqipëri e Durakut ka ardhur pikërisht nga veprimtaria e trafikut të drogës, prokuroria Tiranë ka sekuestruar disa pasuri me vlerë rreth 500.000 dollarë.
Konkretisht shuma prej 363.000 paund britanik cash është sekuestrua e gjetur në banesën e tij në Tiranë, ndërsa u sekuestruan edhe disa pasuri të paluajtshme, që përfshin një njësi tregtare, dy apartamente dhe një garazh.
Sekuestrimi i pasurive të Vasil Durakut u bë gjatë operacionit të koduar “Plantacioni”. Ndërkohë që vijon puna për të zbuluar asetet e tjera që ky shtetas dhe familjarët e tij mund t’i kenë regjistruar në emër të personave të tjerë.
