Një mama, e dhënë pas tatuazheve dhe operacioneve plastike, ka bërë një rrëfim për mediat amerikane. Sharai, 30-vjeçe ka zbuluar se ka shpenzuar plot 15 mijë euro për të ngjyrosur trupin e saj, e ka shtuar se nuk ka ndërmend të ndalet.
“Vëllai më vdiq kur isha 22 vjeçe. E nisa fillimisht me një tatuazh të tijin e më pas, arrita ta shtrijë në të gjithë trupin këtë art, duke bërë figura të tjera”, tha Sharai.
30-vjeçarja, thotë se tanimë ka si qëllim të kujdeset për vajzën, pasi është ndarë nga bashkëshorti, ndërsa shton, se ndihet shumë mirë nën shoqërinë e të dashurit të ri.
“Dua të kujdesem për nënën dhe vajzën. Ky është objektivi im. Pas ndarjes nga bashkëshorti, kalova një krizë të thellë, por tani ndihem e plotësuar, kam nisur një lidhje të re dhe me të vërtetë ndihem mirë”, përfundoi Sharai.