Edy Reja dhe djemtë e tij, luajnë sot në mbrëmje aktin e dytë të sfidës përballë Anglisë, transfertën prestigjioze në Wembley. Nuk ia dolën dot në “Air Albania” të shënonin qoftë dhe një gol apo ti rrëmbenin një pikë, por do të provojnë ta bëjnë diçka të tillë në shtëpinë e tyre që shpikën futbollin. Mungesat e shumta dhe forma jo e mirë e disa titullarëve, mbi të gjitha e Armando Brojës, që vijon ta shqetësojë dëmtimi i pësuar në kavilje, nuk i japin shumë mundësi zgjedhje por nuk mungojnë surprizat as në këtë përballje.