Modelja e njohur shqiptare, Heidi Lushtaku, është bërë nënë për herë të parë.
Ajo ka sjell në jetë një djalë, i cili është fryt i lidhjes së saj me futbollistin e njohur turk, Merih Demiral.
Lajmin e bëri të ditur vet Lushtaku përmes publikimit të disa fotografive në Instagram, ku përveç kumtimit të lajmit se është bërë nënë – ajo zbuloi edhe partnerin e saj, i cili deri më tani ka qenë enigmatik.
Djali i tyre duket se ka ardhur në jetë rreth një muaj më parë.
“Ti ishe sekreti jonë më i bukur. Urime një muaj jetë djali jonë”, shkroi modelja bukuroshe në mbishkrimin e fotografisë.
Edhe Demiral publikoi gjithashtu në Instagramin e tij disa fotografi të çiftit me djalin e tyre.
“Gruaja dhe djali im i dashur”, shkroi në mbishkrimin e fotografive futbollisti i Serie A.
Heidi përndryshe ka një karrierë mjaft të suksesshme si modele në Gjermani, gjersa për vite me radhë ajo ka qenë e përfolur në shoubizin shqiptar për lidhjen me boksierin, Robin Krasniqi, i cili u martua javën e kaluar.
Ndërkohë, 24-vjeçari turk aktualisht luan te Atalanta si huazim nga Juventusi dhe pritet të kthehet gjatë verës te klubi italian. /
gazetari.al
/
Heidi Lushtaku dhe Merih Demiral (Foto: Instagram)
