Gjykata e Durrësit ka dhënë masën e sigurisë ‘arrest në burg’ për Olsi Sefollin, i riu që drejtonte furgonin në të cilin u sekuestruan 123 mijë paund në Port.
Olsi Sefolli nuk ka pranuar akuzat për veprën penale ‘mosdeklarim i të hollave dhe sendeve me vlerë si dhe kontrabandë’.
Furgoni kishte ardhur nga Porti i Ankonës në Itali dhe ka mbërritur në Durrës rreth orës 12:00 më datë 19 maj, ndërkohë që ishte nën vëzhgim pasi ishte me rrisk dhe duhej të kontrollohej. Furgoni mblidhte pako nëpër qytete të ndryshme të Anglisë dhe i sillte në vendin tonë duke shërbyer si postë private mes emigrantëve shqiptarë dhe familjeve të tyre në Angli, mjeti ishte i mbushur me rroba dhe orendi shtëpiake.
