ITALI/ Tragjedia e Mottarone ka goditur 4 familje, 2 nga Lombardia, një familje nga Emilia Romagna dhe një nga Calabria. Në veçanti më e prekur është një familje që jetonte në Pavia, që ishte me origjinë nga Izraeli.
Ansa.it ka identifikuar viktimat, të cilët janë: – Biran Amit, i lindur në Izrael në 2 Shkurt 1991; – Peleg Tal, i lindur në Izrael më 13 gusht 1994; Biran Tom, i lindur në Pavia në 16 Mars 2019, të tre banues në Pavia. Bashkë me ta ishin edhe dy izraelitët e tjerë: Cohen Konisky Barbara, i lindur në Izrael më 11 shkurt 1950 dhe Cohen Itshak, i lindur më 17 nëntor 1939. Jetën në aksident e kanë humbur dhe Shahaisavandi Mohammadreza, i lindur në Iran më 25 gusht 1998, me banim në Diamante (Cosenza); Cosentino Serena, lindur në Belvedere Marittimo (Cosenza) më 4 maj 1994 dhe banues në Diamante (Cosenza); Malnati Silvia, i lindur në Varese më 7 korrik 1994, me banim në Varese; Merlo Alessandro, i lindur në Varese më 13 Prill 1992, banues në Varese; Zorloni Vittorio i lindur në Seregno, Milano, më 8 shtator 1966, me banim në Vedano Olona (Varese); Elisabetta Persanini, e lindur në 1983 dhe djali i saj 9-vjeçar vdiq; Gasparro Angelo Vito, lindur në Bari më 24 Prill 1976, banues në Castel San Giovanni (Piacenza) dhe Pistolato Roberta, i lindur në Bari më 23 maj 1981, banues në Castel San Giovanni (Piacenza).
Roberta Pistolato, e cila sot mbushte 40-vjeçe dhe Angelo Vito Gasparro, 45 vjeç, jetonin në Piacentino, të dy me origjinë nga Bari. Bashkëshortët kishin dalë në Liqenin Maggiore për të festuar ditëlindjen e gruas. Mesazhin e fundit, familja e tyre e mori rreth orës 11:00. 40-vjeçarja i kishte dërguar së motrës një mesash ku i thoshte se po merrnin teleferikun. Roberta kishte pak kohë që kishte përfunduar studimet për mjekësi.
Silvia Malnati, 27-vjeçe dhe Alessandro Merlo, 29 vjeç, ishin dy të fejuar nga Varese. Silvia Malnati ishte e punësuar në një dyqan në Milano. Të apasionuar pas natyrës, detit dhe maleve, ata kishin dalë për një udhëtim jashtë qytetit, mbase i pari në fund të vitit të gjatë të kufizimeve nga pandemia dhe kishin zgjedhur malin që ngrihet midis liqenit Maggiore dhe liqenit Orta.
